ਰੂਪ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਰੂਪ (ਨਾਂ,ਪੁ) ਸ਼ਕਲ; ਸੂਰਤ; ਸੁਹੱਪਣ; ਮੁਹਾਂਦਰਾ; ਖ਼ੂਬਸੂਰਤੀ

ਰੂਪ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਰੂਪ [ਨਾਂਪੁ] ਸ਼ਕਲ, ਸੂਰਤ , ਆਕਾਰ, ਮੁਹਾਂਦਰਾ; ਸੁੰਦਰਤਾ , ਖ਼ੂਬਸੂਰਤੀ; ਢੰਗ , ਵਿਧੀ, ਤਰੀਕਾ

ਰੂਪ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਰੂਪ (ਸੰ.। ਸੰਸਕ੍ਰਿਤ ਰੂਪੰ=ਸੂਰਤ, ਸੁੰਦਰਤਾ , ਅਸਲੀਅਤ ਯਾ ਫਿਤਰਤ) ੧. ਆਕਾਰ, ਇਹ ਪਦ -ਨਿਰਾਕਾਰ- ਦੇ ਉਲਟ ਅਰਥ ਪ੍ਰਗਟ ਕਰਦਾ ਹੈ। ਯਥਾ-‘ਰੂਪ ਕਰੇ ਕਰਿ ਵੇਖੈ ਵਿਗਸੈ’।

੨. ਸੂਰਤ , ਸ਼ਕਲ। ਯਥਾ-‘ਰੂਪੁ ਨ ਰੇਖ ਨ ਰੰਗੁ ਕਿਛੁ’।

੩. ਸੁੰਦਰਤਾ। ਯਥਾ-‘ਰੂਪ ਹੀਨ ਬੁਧਿ ਬਲ ਹੀਨੀ’।

੪. ਕਿਸੇ ਸ਼ੈ ਦਾ ਅਸਲੀ ਆਪਾ , ਵਜੂਦ। ਯਥਾ-‘ਰੂਪੁ ਸਤਿ ਜਾ ਕਾ ਸਤਿ ਅਸਥਾਨੁ ’।

੫. ਸਦਰਸ਼ਤਾ, ਉਹੋ ਜਿਹਾ, ਜਿਵੇਂ ਅਗਨ ਤਪਤ ਲੋਹਾ ਅੱਗ ਦਾ ਰੂਪ ਹੈ ਹੂੑਬੑਹੂ। ਯਥਾ-‘ਗੁਰ ਨਾਨਕ ਦੇਵ ਗੋਵਿੰਦ ਰੂਪ’। ਤਥਾ-‘ਰੂਪ ਰਾਮ ਤਿਹ ਜਾਨੁ’।

੬. ਸੁੰਦਰਤਾ ਵਾਲੇ ਪਦਾਰਥ। ਯਥਾ-‘ਰੂਪ ਧੂਪ ਸੋਗੰਧਤਾ ਕਾਪਰ ਭੋਗਾਦਿ’।