ਲੰਮਾ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਲੰਮਾ (ਵਿ,ਪੁ) ਜਿਸ ਦਾ ਇੱਕ ਸਿਰਾ ਦੂਸਰੇ ਸਿਰੇ ਤੋਂ ਦੂਰੀ ਤੇ ਹੋਵੇ

ਲੰਮਾ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਲੰਮਾ [ਵਿਸ਼ੇ] ਲੰਬਾ; ਉੱਚਾ , ਉਚਾਈ ਵਾਲ਼ਾ; ਜਿਸਦਾ ਇੱਕ ਸਿਰਾ ਦੂਜੇ ਸਿਰੇ ਤੋਂ ਬਹੁਤ ਦੂਰੀ ਉੱਤੇ ਹੋਵੇ; ਲੰਮੇ ਕੱਦ ਵਾਲ਼ਾ; ਜ਼ਿਆਦਾ, ਕਾਫ਼ੀ

ਲੰਮਾ ਸਰੋਤ : ਪੰਜਾਬ ਕੋਸ਼–ਜਿਲਦ ਦੂਜੀ, ਭਾਸ਼ਾ ਵਿਭਾਗ ਪੰਜਾਬ

ਲੰਮਾ : ਇਹ ਪਿੰਡ ਜ਼ਿਲ੍ਹਾ ਲੁਧਿਆਣਾ ਦੀ ਤਹਿਸੀਲ ਜਗਰਾਓਂ ਵਿਚ ਜਗਰਾਓਂ ਤੋਂ 13 ਕਿ. ਮੀ. ਦੀ ਦੂਰੀ ਤੇ ਸਥਿਤ ਹੈ।

ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਮਾਛੀਵਾੜੇ ਵੱਲੋਂ ਆ ਕੇ ਇਥੇ ਬਿਰਾਜੇ ਸਨ। ਇਥੇ ਗੁਰੂ ਜੀ ਨੇ ਕਲ੍ਹਾ ਰਾਏ ਨੂੰ ਖੜਗ ਬਖ਼ਸ਼ਿਆ ਸੀ। ਹੁਣ ਇਸ ਜਗ੍ਹਾ ਗੁਰੂ ਜੀ ਦੀ ਯਾਦ ਵਿਚ ਗੁਰਦੁਆਰਾ ਸੁਸ਼ੋਭਿਤ ਹੈ ਜਿਸ ਦੇ ਨਾਂ ਕੁਝ ਜ਼ਮੀਨ ਵੀ ਹੈ। ਇਸ ਪਿੰਡ ਨੂੰ ਲੰਮੇ ਜਟਪੁਰਾ ਵੀ ਆਖਿਆ ਜਾਂਦਾ ਹੈ।