ਕਦੇ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕਦੇ [ਕਿਵਿ] ਕਦੀ, ਕਿਸੇ ਵੇਲ਼ੇ

ਕਦੇ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕਦੇ. ਦੇਖੋ, ਕਦਾ. “ਸਹਸਾ ਕਦੇ ਨ ਜਾਇ.” (ਵਾਰ ਮਾਰੂ ੧ ਮ: ੩)

ਕਦੇ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਕਦੇ ਕਿਸੇ ਸਮੇਂ ਵੀ- ਸਾਹਿ ਸਾਹਿ ਤੁਝੁ ਸੰਮਲਾ ਕਦੇ ਨ ਵਿਸਾਰੇਉ। ਵੇਖੋ ਕਦਿ।

ਕਦੇ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕਦੇ, (ਸੰਸਕ੍ਰਿਤ : कदा) \ ਕਿਰਿਆ ਵਿਸ਼ੇਸ਼ਣ : ਕਿਸੇ ਵੇਲੇ, ਕਦੀ ਕਦੀ

–ਕਦੇ ਕਦਾਈਂ,  ਕਿਰਿਆ ਵਿਸ਼ੇਸ਼ਣ :  ਕਿਸੇ ਕਿਸੇ ਵੇਲੇ, ਕੁਝ ਚਿਰ ਪਿੱਛੋਂ, ਕਦੇ ਕਦੇ
 
–ਕਦੇ ਚਾਚੇ ਦੀਆਂ  ਕਦੇ ਬਾਬੇ ਦੀਆਂ, ਕਦੇ ਦਾਦੇ ਦੀਆਂ ਕਦੇ ਪੋਤੇ ਦੀਆਂ,  ਅਖੌਤ :  ਸਮਾਂ ਸਦਾ ਇਕੋ ਜੇਹਾ ਨਹੀਂ ਰਹਿੰਦਾ, ਕਦੇ ਇੱਕ ਦੀ ਚੜ੍ਹ ਮਚਦੀ ਹੈ ਕਦੇ ਦੂਜੇ ਦੀ
 
–ਕਦੇ ਦਾ ,  ਕਿਰਿਆ ਵਿਸ਼ੇਸ਼ਣ :   ਬਹੁਤ ਦੇਰ ਦਾ, ਕਾਫ਼ੀ ਸਮੇਂ ਦਾ

–ਕਦੇ ਨਹੀਂ,   ਕਿਰਿਆ ਵਿਸ਼ੇਸ਼ਣ :  ਉੱਕਾ ਨਹੀਂ, ਬਿਲਕੁਲ ਨਹੀਂ, ਕਦਾਚਿਤ ਨਹੀਂ, ਹਰਗਿਜ਼ ਨਹੀਂ

–ਕਦੇ ਨਾ ਕਦੇ,  ਕਿਰਿਆ ਵਿਸ਼ੇਸ਼ਣ :  ਕਿਸੇ ਨਾ ਕਿਸੇ ਵੇਲੇ