ਕਲਗੀ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕਲਗੀ [ਨਾਂਇ] ਮੋਤੀਆਂ ਅਤੇ ਖੰਭਾਂ ਵਾਲ਼ਾ ਪੱਗ ਉੱਤੇ ਲਾਉਣ ਵਾਲ਼ਾ ਗਹਿਣਾ; ਪੰਛੀ ਦੇ ਸਿਰ ਉੱਪਰਲੇ ਖੰਭ ਜਾਂ ਲਾਲ ਮਾਸ; ਇੱਕ ਤਰ੍ਹਾਂ ਦਾ ਗੀਤ ਜਿਸ ਵਿੱਚ ਇਸਤਰੀ ਆਪਣਾ ਪਿਆਰ ਪ੍ਰਗਟ ਕਰਦੀ ਹੈ

ਕਲਗੀ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕਲਗੀ, (ਫ਼ਾਰਸੀ \ ਤੁਰਕੀ : ਕਲਗੀ) \ ਇਸਤਰੀ ਲਿੰਗ : ੧. ਕੀਮਤੀ ਮੋਤੀਆਂ ਅਤੇ ਸਜੀਲੇ ਖੰਭਾਂ ਵਾਲਾ ਗਹਿਣਾ ਜਿਸ ਨੂੰ ਬਾਦਸ਼ਾਹ ਪੱਗਾਂ ਉਤੇ ਲਾਉਂਦੇ ਹਨ; ੨. ਟੋਪੀ ਜਾਂ ਪਗੜੀ ਵਿੱਚ ਲਾਉਣ ਵਾਲਾ ਪਰ; ੩. ਪੰਖੇਰੂ ਦੇ ਸਿਰ ਉਤੇ ਪਰਾਂ ਦਾ ਤਾਜ; ੪. ਕੁੱਕੜ ਦੇ ਸਿਰ ਉਤਲਾ ਲਾਲ ਰੰਗ ਦਾ ਮਾਸ; ੫. ਦਿਲ ਭਰਮਾਉਣ ਵਾਲਾ ਇੱਕ ਗੀਤ ਜਿਸ ਨਾਲ ਇਸਤ੍ਰੀ ਆਦਮੀ ਨੂੰ ਮੋਂਹਦੀ ਹੈ, ਇੱਕ ਕਿਸਮ ਦਾ ਗੀਤ ਜਿਸ ਵਿੱਚ ਇਸਤ੍ਰੀ ਆਪਣਾ ਪਿਆਰ ਪਰਗਟ ਕਰਦੀ ਹੈ

–ਕਲਗੀਦਾਰ,    ਵਿਸ਼ੇਸ਼ਣ / ਪੁਲਿੰਗ  : ੧. ਕਲਗੀ ਵਾਲਾ, ਜਿਸ ਦੇ ਸਿਰ ਦੇ ਕਲਗੀ ਹੋਵੇ; ੨. ਇੱਕ ਕਿਸਮ ਦਾ ਸੱਪ ਜਿਸ ਦੇ ਫਣ ਤੇ ਕਲਗੀ ਹੁੰਦੀ ਹੈ; ‘ਕਲਗੀਦਾਰ ਤੇ ਉਡਨਾ, ਭੌਂਦ, ਆਬੀ, ਅਸਰਾਲ, ਖਰਾਲ, ਡਰ ਖਾਂਵਦੇ ਨੇ‘  (ਹੀਰ ਵਾਰਸ)

–ਕਲਗੀਧਰ,  ਵਿਸ਼ੇਸ਼ਣ : ਕਲਗੀ ਵਾਲਾ, / ਪੁਲਿੰਗ :  ਗੁਰੂ ਗੋਬਿੰਦ ਸਿੰਘ ਜੀ ਜਿਨ੍ਹਾਂ ਦੇ ਸੀਸ ਪੁਰ ਕਲਗੀ ਸੋਂਹਦੀ ਸੀ, ਕਲਗੀ ਵਾਲਾ

–ਕਲਗੀਬਾਜ਼,  ਪੁਲਿੰਗ : ‘ਕਲਗੀ’ ਗੀਤ ਬਣਾਉਣ ਜਾਂ ਗਾਉਣ ਵਾਲਾ, ਕਲਗੀ ਵਾਲਾ

–ਕਲਗੀ ਵਾਲਾ, ਵਿਸ਼ੇਸ਼ਣ / ਪੁਲਿੰਗ : ੧. ਜਿਸ ਦੇ ਸਿਰ ਤੇ ਕਲਗੀ ਹੋਵੇ; ਪੁਲਿੰਗ : ੨. ਗੁਰੂ ਗੋਬਿੰਦ ਸਿੰਘ ਜੀ, ਕਲਗੀਧਰ; ੩. ‘ਕਲਗੀ’ ਗੀਤ ਦੇ ਬਣਾਉਣ ਜਾਂ ਗਾਉਣ ਵਾਲਾ, ਕਲਗੀਬਾਜ਼