ਕਲੇਜਾ ਸਰੋਤ :
ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।
ਕਲੇਜਾ (ਨਾਂ,ਪੁ) ਜਿਗਰ
ਲੇਖਕ : ਕਿਰਪਾਲ ਕਜ਼ਾਕ (ਪ੍ਰੋ.),
ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 3635, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-01-24, ਹਵਾਲੇ/ਟਿੱਪਣੀਆਂ: no
ਕਲੇਜਾ ਸਰੋਤ :
ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਭਾਸ਼ਾ ਵਿਭਾਗ ਪੰਜਾਬ ਪਟਿਆਲਾ।
ਕਲੇਜਾ. ਦੇਖੋ, ਕਰੇਜਾ. “ਕਰਕ ਕਲੇਜੇ ਮਾਹਿ.” (ਮ: ੧ ਵਾਰ ਮਲਾ) ਡਿੰਗ. ਕਲੋ. ਦੇਖੋ, ਕਾਲਜਾ.
ਲੇਖਕ : ਭਾਈ ਕਾਨ੍ਹ ਸਿੰਘ ਨਾਭਾ,
ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਭਾਸ਼ਾ ਵਿਭਾਗ ਪੰਜਾਬ ਪਟਿਆਲਾ।, ਹੁਣ ਤੱਕ ਵੇਖਿਆ ਗਿਆ : 3580, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2014-10-30, ਹਵਾਲੇ/ਟਿੱਪਣੀਆਂ: no
ਕਲੇਜਾ ਸਰੋਤ :
ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)
ਕਲੇਜਾ, (ਸੰਸਕ੍ਰਿਤ : कालेय=ਜਿਗਰ) \ ਪੁਲਿੰਗ : ਜਿਗਰ, ਕਾਲਜਾ
–ਕਲੇਜਾ ਉਛਲਣਾ, ਮੁਹਾਵਰਾ : ੧. ਦਿਲ ਖ਼ੁਸ਼ ਹੋਣਾ; ੨. ਦਿਲ ਧੜਕਣਾ, ਘਬਰਾਹਟ ਹੋਣਾ
–ਕਲੇਜਾ ਉਲਟਣਾ, ਮੁਹਾਵਰਾ : ਉਲਟੀ ਕਰਦੇ ਕਰਦੇ ਹੀ ਘਬਰਾ ਜਾਣਾ ਜਾਂ ਆਂਤੜੀਆਂ ਵਿੱਚ ਬਲ ਪੈਣਾ
–ਕਲੇਜਾ ਸੜ ਜਾਣਾ, ਮੁਹਾਵਰਾ : ਕਾਲਜਾ ਤਪ ਜਾਣਾ, ਦੁਖੀ ਹੋਣਾ
–ਕਲੇਜਾ ਸਾੜ ਦੇਣਾ, ਮੁਹਾਵਰਾ : ਅਤਿ ਦੁਖੀ ਕਰਨਾ, ਕਲੇਜਾ ਭੁੰਨ ਸੁੱਟਣਾ, ਕਲੇਜਾ ਲੂਹ ਦੇਣਾ
–ਕਲੇਜਾ ਕੱਟਣਾ, ਮੁਹਾਵਰਾ : ਹੀਰੇ ਦੀ ਕਣੀ ਜਾਂ ਕਿਸੇ ਹੋਰ ਜ਼ਹਿਰ ਕਾਰਨ ਅੰਤੜੀਆਂ ਵਿੱਚ ਚੀਰ ਪੌਣਾ (ਪਾਉਣਾ)
–ਕਲੇਜਾ ਕੱਢ ਕੇ ਦੇਣਾ, ਮੁਹਾਵਰਾ : ਆਪਣੀ ਸਭ ਤੋਂ ਪਿਆਰੀ ਵਸਤੂ ਦੇਣਾ
–ਕਲੇਜਾ ਕੱਢਣਾ (ਕੱਢ ਲੈਣਾ), ਮੁਹਾਵਰਾ : ੧. ਕਿਸੇ ਜਿੱਨ ਭੂਤ ਦਾ ਜਿਗਰ ਕੱਢ ਕੇ ਲੈ ਜਾਣਾ; ੨. ਸਹਿਮ ਪਾਉਣਾ, ਬਹੁਤ ਡਰਾ ਦੇਣਾ
–ਕਲੇਜਾ ਖਾਵਾਂ (ਤੇਰਾ), ਅਖੌਤ : ਦੁਖ ਤੇ ਨਿਰਾਸਤਾ ਕਾਰਨ ਜਦ ਕੁਝ ਨਾ ਲੱਭੇ ਤਾਂ ਕਹਿੰਦੇ ਹਨ
–ਕਲੇਜਾ ਖੁਸਣਾ, ਮੁਹਾਵਰਾ : ਕਲੇਜਾ ਘਿਰਨਾ, ਕਲੇਜੇ ਖੋਹ ਪੈਣਾ
–ਕਲੇਜਾ ਘਿਰਨਾ, ਮੁਹਾਵਰਾ : ਭੁੱਖ ਦਾ ਅਨੁਭਵ ਹੋਣਾ ਕੁਝ ਖਾਣ ਨੂੰ ਜੀ ਕਰਨਾ, ਭੁੱਖ ਲੱਗਣਾ : ‘ਹੋਸ਼ ਤਬੀਅਤ ਥਾਂ ਨਾ ਰਹੀ ਉਸ ਆਣ ਕਲੇਜਾ ਘਿਰਿਆ’ (ਸੈਫੁਲਮੁਲੂਕ)
–ਕਲੇਜਾ ਛਾਨਣੀ ਕਰਨਾ (ਕਰ ਦੇਣਾ), ਮੁਹਾਵਰਾ : ਕਲੇਜਾ ਵਿੰਨ੍ਹ ਸੁਟਣਾ (ਦੇਣਾ)
–ਕਲੇਜਾ ਛਾਣਨੀ ਛਾਣਨੀ ਕਰ ਦੇਣਾ , ਮੁਹਾਵਰਾ : ਕਲੇਜਾ ਛਾਣਨੀ ਕਰ ਦੇਣਾ, ਕਲੇਜਾ ਵਿੰਨ੍ਹ ਸੁੱਟਣਾ, ਕਲੇਜਾ ਵਿੰਨ ਦੇਣਾ, ਕਲੇਜੇ ਤੀਰ ਮਾਰਨਾ
–ਕਲੇਜਾ ਛੇਦਣਾ, ਮੁਹਾਵਰਾ : ਕਲੇਜੇ ਤੀਰ ਮਾਰਨਾ, ਕਲੇਜਾ ਵਿੰਨ੍ਹਣਾ
–ਕਲੇਜਾ ਤਪਣਾ, ਮੁਹਾਵਰਾ : ਅੰਦਰ ਸੜ ਜਾਣਾ, ਦੁਖੀ ਹੋਣਾ
–ਕਲੇਜਾ ਥੰਮਣਾ, ਮੁਹਾਵਰਾ : ਜ਼ਬਰ ਕਰਨਾ, ਸਬਰ ਕਰਨਾ, ਕਲੇਜੇ ਤੇ ਹੱਥ ਰੱਖਣਾ
–ਕਲੇਜਾ ਦਿਕ ਹੋਣਾ, ਮੁਹਾਵਰਾ : ਖਾਧੀ ਹੋਈ ਖਰਾਕ ਹਜ਼ਮ ਨਾ ਹੋਣ ਦੇ ਕਾਰਨ ਤਬੀਅਤ ਦਾ ਖਰਾਬ ਹੋਣਾ
–ਕਲੇਜਾ ਧੱਕ ਧੱਕ ਕਰਨਾ, ਮੁਹਾਵਰਾ : ਡਰ ਨਾਲ ਘਬਰਾ ਜਾਣਾ
–ਕਲੇਜਾ ਧੜਕਨਾ, ਮੁਹਾਵਰਾ : ੧. ਡਰ ਨਾਲ ਜੀ ਕੰਬਣਾ, ਡਰ ਨਾਲ ਘਬਰਾ ਜਾਣਾ; ੨. ਡਰ ਆਸ ਜਾਂ ਖ਼ੁਸ਼ੀ ਕਾਰਨ ਦਿਲ ਵਿੱਚ ਧੁਕਧੁਕੀ ਹੋਣਾ
–ਕਲੇਜਾ ਪਾਟ ਜਾਣਾ, ਮੁਹਾਵਰਾ : ਈਰਖਾ ਭਾਵ ਵਿੱਚ ਆਉਣਾ, ਬਹੁਤ ਹਸਦ ਹੋਣਾ
–ਕਲੇਜਾ ਭਰ ਆਉਣਾ, ਮੁਹਾਵਰਾ : ਦੁੱਖ ਅਨੁਭਵ ਕਰਨਾ, ਦਿਲ ਭਰ ਆਉਣਾ
–ਕਲੇਜਾ ਭੰਨ ਸੁੱਟਣਾ, ਮੁਹਾਵਰਾ : ਕਲੇਜਾ ਲੂਹ ਦੇਣਾ, ਸਾੜ ਬਾਲ ਦੇਣਾ, ਕਲੇਜਾ ਲੂਹ ਸੁੱਟਣਾ
–ਕਲੇਜਾ ਭੁੰਨ ਦੇਣਾ, ਮੁਹਾਵਰਾ : ਕਲੇਜਾ ਭੁੰਨ ਸੁੱਟਣਾ
–ਕਲੇਜਾ ਮਲਣਾ, ਮੁਹਾਵਰਾ : ਦਿਲ ਦੁਖਾਉਣਾ, ਕਸ਼ਟ ਪੁਚਾਉਣਾ
–ਕਲੇਜਾ ਮੂੰਹ ਨੂੰ ਆਉਣਾ, ਮੁਹਾਵਰਾ : ੧. ਬਹੁਤ ਦੁੱਖ ਮੰਨਣਾ, ਜੀ ਘਬਰਾਉਣਾ, ਰੰਜ ਜਾਂ ਗ਼ਮ ਕਰਕੇ ਬੇਕਰਾਰ ਹੋਣਾ, ਬੇਚੈਨ ਹੋਣਾ; ੨. ਤਬੀਅਤ ਖਰਾਬ ਹੋਣਾ, ਖਰਾਬ ਚੀਜ਼ ਨੂੰ ਵੇਖ ਕੇ ਜੀ ਕੱਚਾ ਹੋਣਾ
–ਕਲੇਜਾ ਵਧ ਜਾਣਾ, ਕਿਰਿਆ ਅਕਰਮਕ : ੧. ਤਿੱਲੀ ਦਾ ਵੱਧ ਜਾਣਾ, ਤਿੱਲੀ ਦਾ ਰੋਗ ਹੋਣਾ
–ਕਲੇਜਾ ਲੂਹ ਸੁੱਟਣਾ,ਮੁਹਾਵਰਾ : ਅਤਿ ਦੁੱਖੀ ਕਰਨਾ, ਸਾੜ ਬਾਲ ਦੇਣਾ, ਕਲੇਜਾ ਭੁੰਨ ਸੁੱਟਣਾ
–ਕਲੇਜਾ ਲੂਹ ਦੇਣਾ, ਮੁਹਾਵਰਾ : ਕਲੇਜਾ ਲੂਹ ਸੁੱਟਣਾ
–ਕਲੇਜਾ ਵਿੰਨ੍ਹਣਾ, ਮੁਹਾਵਰਾ : ਸੱਟ ਲਾਉਣਾ, ਦੁੱਖੀ ਕਰਨਾ, ਕਲੇਜਾ ਛੇਦਣਾ, ਕਲੇਜੇ ਤੀਰ ਮਾਰਨਾ
–ਕਲੇਜੇ ਸੱਟ ਵੱਜਣਾ, ਮੁਹਾਵਰਾ : ਸਦਮਾ ਹੋਣਾ, ਕਲੇਜੇ ਤੀਰ ਵਜਣਾ
–ਕਲੇਜੇ ਹੌਲ ਉਠਣਾ, ਮੁਹਾਵਰਾ : ੧. ਅਤਿ ਸਹਿਮ ਜਾਣਾ, ਬਹੁਤ ਡਰ ਜਾਣਾ; ੨. ਈਰਖਾ ਉਤਪੰਨ ਹੋਣਾ, ਹਸਦ ਕਰਨਾ
–ਕਲੇਜੇ ਕਾਨੀ ਖਾਣਾ, ਮੁਹਾਵਰਾ : ਆਤਮ ਹੱਤਿਆ ਕਰਨਾ, ਦੁਖਤ ਹੋਣਾ
–ਕਲੇਜੇ ਖੋਹ ਪੈਣਾ, ਮੁਹਾਵਰਾ : ਕਲੇਜਾ ਖੁਸਣਾ, ਕਲੇਜਾ ਘਿਰਨਾ
–ਕਲੇਜੇ ਠੰਡ ਪੈਣਾ, ਮੁਹਾਵਰਾ : ਸੁਖ ਹੋਣਾ, ਸ਼ਾਂਤੀ ਮਿਲਣਾ
–ਕਲੇਜੇ ਤੀਰ ਮਾਰਨਾ, ਮੁਹਾਵਰਾ : ਸੱਟ ਮਾਰਨਾ, ਕਲੇਜਾ ਵਿੰਨ੍ਹਣਾ, ਕਲੇਜਾ ਛੇਦਣਾ, ਕਲੇਜੇ ਤੀਰ ਲਾਉਣਾ
–ਕਲੇਜੇ ਤੀਰ ਲੱਗਣਾ, ਮੁਹਾਵਰਾ : ਦੁਖ ਹੋਣਾ, ਸੱਟ ਪਹੁੰਚਣਾ
–ਕਲੇਜੇ ਤੀਰ ਲਾਉਣਾ, ਮੁਹਾਵਰਾ : ੧. ਦੁਖੀ ਕਰਨਾ, ਸੱਟ ਮਾਰਨਾ; ੨. ਚੁਭਵੀਂ ਗੱਲ ਕਹਿਣਾ
–ਕਲੇਜੇ ਤੀਰ ਵਜਣਾ, ਮੁਹਾਵਰਾ : ਸਦਮਾ ਪਹੁੰਚਣਾ, ਪੀੜਾ ਉਠਣਾ, ਸੱਟ ਲੱਗਣਾ
–ਕਲੇਜੇ ਤੇ ਹੱਥ ਰੱਖ ਕੇ ਕਹਿਣਾ, ਮੁਹਾਵਰਾ : ਨਿਸ਼ਾ ਨਾਲ ਦੱਸਣਾ
–ਕਲੇਜੇ ਤੇ ਹੱਥ ਰਖਣਾ, ਮੁਹਾਵਰਾ : ਸਬਰ ਕਰਨਾ, ਜਿਗਰਾ ਕਰਨਾ, ਕਲੇਜਾ ਥੰਮਣਾ
–ਕਲੇਜੇ ਤੇ ਛੁਰੀਆਂ ਚੱਲਣਾ, ਮੁਹਾਵਰਾ : ਬਹੁਤ ਦੁਖੀ ਹੋਣਾ, ਕਲੇਜੇ ਤੀਰ ਵੱਜਣਾ
–ਕਲੇਜੇ ਤੇ ਛੁਰੀਆਂ ਚਲਾਉਣਾ, ਮੁਹਾਵਰਾ : ਅਤਿ ਦੁਖੀ ਜਾਂ ਤੰਗ ਕਰਨਾ, ਕਲੇਜਾ ਵਿੰਨ੍ਹਣਾ
–ਕਲੇਜੇ ਦਾ ਟੁਕੜਾ, ਪੁਲਿੰਗ : ਪੁੱਤਰ ਜਾਂ ਧੀ, ਬਹੁਤ ਪਿਆਰਾ ਬੰਦਾ, ਲਖ਼ਤੇ-ਜਿਗਰ
–ਕਲੇਜੇ ਨਾਲ ਲਾਉਣਾ, ਮੁਹਾਵਰਾ : ਛਾਤੀ ਨਾਲ ਲਾਉਣਾ, ਜੱਫੀ ਪਾਉਣਾ, ਪਿਆਰ ਕਰਨਾ, ਗਲੇ ਲਾਉਣਾ
–ਕਲੇਜੇ ਨਾਲ ਲਾ ਕੇ ਰੱਖਣਾ, ਮੁਹਾਵਰਾ : ਕਿਸੇ ਪਿਆਰੀ ਚੀਜ਼ ਨੂੰ ਆਪਣੇ ਪਾਸ ਰੱਖਣਾ ਤੇ ਦੂਰ ਨਾ ਹੋਣ ਦੇਣਾ, ਬਹੁਤ ਪਿਆਰੀ ਕਰ ਕੇ ਜਾਂ ਬਹੁਤ ਯਤਨ ਨਾਲ ਰੱਖਣਾ
–ਕਲੇਜੇ ਨੂੰ ਖੋਹ ਪੈਣਾ, ਕਲੇਜੇ ਨੂੰ ਧੂਹ ਪੈਣਾ, ਮੁਹਾਵਰਾ : ੧. ਕਾਲਜਾ ਘਿਰਨਾ, ਭੁੱਖ ਆਦਿ ਕਰਕੇ ਡੋਬ ਪੈਣਾ; ੨. ਪਿਆਰ ਦੀ ਖਿੱਚ ਹੋਣਾ
–ਕਲੇਜੇ ਪੀੜ ਉਠਣਾ, ਮੁਹਾਵਰਾ : ੧. ਦੁੱਖੀ ਹੋਣਾ, ਕਲੇਜਾ ਵਿੰਨਿਆ ਜਾਣਾ, ਕਲੇਜੇ ਤੀਰ ਲੱਗਣਾ; ੨. ਹਸਦ ਜਾਂ ਈਰਖਾ ਕਰਨਾ
–ਅਸੀਂ ਸੁੱਖ ਕਲੇਜੇ ਠੰਡ, ਮੁਹਾਵਰਾ : ਕਲੇਜੇ ਠੰਢ ਪੈਣਾ
–ਪੱਥਰ ਕਲੇਜਾ, ਵਿਸ਼ੇਸ਼ਣ : ਸਖ਼ਤ ਦਿਲ ਦਾ, ਬੇਦਰਦੀ
–ਵੱਡੇ ਕਲੇਜੇ ਦਾ, ਵਿਸ਼ੇਸ਼ਣ : ਬੜੇ ਜਿਗਰੇ ਵਾਲਾ
ਲੇਖਕ : ਭਾਸ਼ਾ ਵਿਭਾਗ, ਪੰਜਾਬ,
ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ), ਹੁਣ ਤੱਕ ਵੇਖਿਆ ਗਿਆ : 1531, ਪੰਜਾਬੀ ਪੀਡੀਆ ਤੇ ਪ੍ਰਕਾਸ਼ਤ ਮਿਤੀ : 2023-02-14-02-25-04, ਹਵਾਲੇ/ਟਿੱਪਣੀਆਂ:
ਵਿਚਾਰ / ਸੁਝਾਅ
Please Login First
