ਕੰਜਕ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੰਜਕ (ਨਾਂ,ਇ) ਕੁਆਰੀ ਕੰਨਿਆ

ਕੰਜਕ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਕੰਜਕ [ਨਾਂਇ] ਛੋਟੀ ਕੁੜੀ , ਬਾਲੜੀ , ਬੱਚੀ

ਕੰਜਕ ਸਰੋਤ : ਪੰਜਾਬ ਕੋਸ਼–ਜਿਲਦ ਪਹਿਲੀ, ਭਾਸ਼ਾ ਵਿਭਾਗ ਪੰਜਾਬ

ਕੰਜਕ : ਇਹ ਸ਼ਬਦ ਸੰਸਕ੍ਰਿਤ ਦੇ 'ਕਨਲਕ' ਸ਼ਬਦ ਤੋਂ ਬਣਿਆ ਹੈ ਜਿਸ ਦਾ ਅਰਥ ਕੁਆਰੀ ਕੁੜੀ ਜਾਂ ਬਾਲੜੀ ਹੈ। ਹਿੰਦੂ ਕੰਜਕ ਨੂੰ ਦੇਵੀ ਦਾ ਰੂਪ ਮੰਨ ਕੇ ਖਾਸ ਖਾਸ ਮੌਕਿਆਂ ਤੇ ਪੂਜਦੇ ਹਨ ਜਿਵੇਂ ਕਿ ਨੌਰਾਤਿਆਂ ਤੇ ਦਿਨਾਂ ਵਿਚ ਦੇਵੀ ਮਾਤਾ ਨੂੰ ਪ੍ਰਸੰਨ ਕਰਨ ਲਈ ਕੁਆਰੀਆਂ ਕੁੜੀਆਂ ਨੂੰ ਭੋਜਨ ਖੁਆਇਆ ਜਾਂਦਾ ਹੈ ।ਇਸ ਪ੍ਰਥਾ ਨੂੰ ਕੰਜਕਾਂ ਬਿਠਾਉਣਾ ਕਿਹਾ ਜਾਂਦਾ ਹੈ। ਕੰਜਕਾਂ ਬਿਠਾਉਣ ਵੇਲੇ ਪੰਜ, ਸੱਤ ਜਾਂ ਨੌ ਕੁੜੀਆਂ ਨੂੰ ਭੋਜਨ ਖਵਾਇਆ ਜਾਂਦਾ ਹੈ ਅਤੇ ਕੰਜਕਾਂ ਨੂੰ ਦਕਸ਼ਣਾ ਵਜੋੋਂ ਕੁਝ ਪੈਸੇ ਵੀ ਦਿੱਤੇ ਜਾਂਦੇ ਹਨ। ਕੁਝ ਸ਼ਰਧਾਵਾਨ, ਕੰਜਕਾਂ ਨੂੰ ਲਾਲ ਰੰਗ ਦੀ ਚੁੰਨੀ ਜਾਂ ਤਿਓਰ ਵੀ ਦਿੰਦੇ ਹਨ।

ਕੰਜਕ ਸਰੋਤ : ਪੰਜਾਬੀ ਕੋਸ਼ ਜਿਲਦ ਪਹਿਲੀ (ੳ ਤੋਂ ਕ)

ਕੰਜਕ, (ਸੰਸਕ੍ਰਿਤ : ਕਨੑਯਕਾ) / ਇਸਤਰੀ ਲਿੰਗ : ਕੰਵਕ