ਚੋਜ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਚੋਜ (ਨਾਂ,ਪੁ) ਹੈਰਾਨੀ ਵਾਲੀ ਗੱਲ; ਕੌਤਕ

ਚੋਜ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਚੋਜ [ਨਾਂਪੁ] ਅਸਚਰਜਤਾ, ਅਚੰਭਾ; ਚਮਤਕਾਰ, ਕਰਾਮਾਤ , ਕੌਤਕ; ਸੁਹੱਪਣ, ਨਜ਼ਾਕਤ; ਲਾਡ-ਪਿਆਰ

ਚੋਜ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਚੋਜ. ਸੰ. चेतोज —ਚੇਤੋਜ. ਸੰਗ੍ਯਾ—ਚਿੱਤ ਵਿੱਚ ਪੈਦਾ ਹੋਇਆ ਉਤਸਾਹ। ੨ ਤਮਾਸ਼ਾ. ਕੌਤਕ. “ਸਭ ਤੇਰੇ ਚੋਜ चय्र्या ਵਿਡਾਣਾ.” (ਸੋਪੁਰਖੁ) “ਤਿਸ ਕਾ ਚੋਜ ਸਬਾਇਆ.” (ਮਾਰੂ ਸੋਲਹੇ ਮ: ੧) “ਕਰਿ ਵੇਖੈ ਆਪਿ ਚੋਜਾਹਾ.” (ਸੋਰ ਮ: ੪) ੩ चय्र्या —ਚਯ੗੠. ਵਿਹਾਰ. ਕ੍ਰਿਯਾ.

ਚੋਜ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਚੋਜ (ਸੰ.। ਪੰਜਾਬੀ) ਚੋਜ। ਉਹ ਸੁਆਦਲੇ ਕੰਮ ਯਾ ਵਾਕ ਜੋ ਸੁਤੰਤ੍ਰ ਪੁਰਸ਼ ਅਪਣੇ ਮਨ ਦੇ ਵਧਵੇਂ ਅਨੰਦ ਵਿਚ ਕਰੇ , ਪਾਤਸ਼ਾਹ ਤੇ ਪੂਰਨ ਫਕੀਰ ਅਕਸਰ ਚੋਜ ਕਰਦੇ ਕਹੀਦੇ ਹਨ। ਕੌਤਕ। ਲਾਡ ਪ੍ਯਾਰ ਦੇ ਵਰਤਾਉ।