ਫੁੱਲ ਸਰੋਤ : ਪੰਜਾਬੀ ਸਭਿਆਚਾਰ ਸ਼ਬਦਾਵਲੀ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੁੱਲ (ਨਾਂ,ਪੁ) 1 ਬੂਟੇ ਨਾਲ ਖਿੜਿਆ ਸ਼ਗੂਫਾ 2 ਬੂਟੇ ’ਤੇ ਫਲ਼ ਤੋਂ ਪਹਿਲਾਂ ਨਿਕਲਣ ਵਾਲਾ ਹਿੱਸਾ 3 ਮਧਾਣੀ ਦਾ ਥੱਲਵਾਂ ਹਿੱਸਾ 4 ਇਸਤਰੀਆਂ ਦੀ ਮਹਾਵਾਰੀ ਦਾ ਇੱਕ ਵਿਸ਼ੇਸ਼ਣ 5 ਉਂਗਲ ਦਾ ਅਗਲਾ ਪੋਟਾ 6 ਚਿਤਾ ਦੀ ਰਾਖ ਵਿੱਚੋਂ ਚੁਗੀਆਂ ਮਨੁੱਖੀ ਸਰੀਰ ਦੀਆਂ ਅਸਤੀਆਂ

ਫੁੱਲ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੁੱਲ [ਨਾਂਪੁ] ਪੂਰੀ ਖਿੜ੍ਹੀ ਹੋਈ ਡੋਡੀ ਜਾਂ ਕਲ਼ੀ, ਗੁਲ, ਪੁਸ਼ਪ; ਸੁਹਾਗਣਾਂ ਦੇ ਸਿਰ ਦਾ ਗਹਿਣਾ/ਜ਼ੇਵਰ; ਦਾਹ-ਸੰਸਕਾਰ ਮਗਰੋਂ ਚੁਣੀਆਂ ਜਾਣ ਵਾਲ਼ੀਆਂ ਹੱਡੀਆਂ; ਮਧਾਣੀ ਦਾ ਅਗਲਾ ਗੋਲ਼

ਹਿੱਸਾ; ਫਟਕੜੀ ਨੂੰ ਅੱਗ ਉੱਤੇ ਰੱਖਣ ਉਪਰੰਤ ਬਣਿਆ ਉਸਦਾ ਰੂਪ; ਦੀਵੇ ਦੀ ਗੁੱਲ; ਫੁੱਲ ਦੇ ਆਕਾਰ ਦੀ ਕੋਈ ਵਸਤੂ [ਵਿਸ਼ੇ] ਬਹੁਤ ਹੌਲਾ

ਫੁੱਲ ਸਰੋਤ : ਗੁਰੁਸ਼ਬਦ ਰਤਨਾਕਾਰ ਮਹਾਨ ਕੋਸ਼, ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਫੁੱਲ. ਸੰ. फुल्ल्. ਧਾ—ਖਿੜਨਾ, ਫੂਲਨਾ। ੨ ਸੰਗ੍ਯਾ— ਪੁ਱ਪ. ਕੁਸੁਮ. ਸੁਮਨ। ੩ ਉਂਨ ਦੇ ਗਾੜ੍ਹੇ ਵਸਤ੍ਰ ਵਿੱਚਦੀਂ ਟਪਕਾਇਆ ਹੋਇਆ ਅਫੀਮ ਦਾ ਰਸ. “ਪੀਤਾ ਫੁੱਲ ਇਆਣੀ ਘੂਮਨ ਸੂਰਮੇ.” (ਚੰਡੀ ੩) ਜਿਵੇਂ ਇਆਣੇ (ਸੋਫੀ) ਫੁੱਲ ਪੀਕੇ ਝੂੰਮਦੇ ਹਨ, ਤਿਵੇਂ ਯੋਧਾ ਘੂਮਨ। ੪ ਇਸਤ੍ਰੀ ਦੀ ਰਜ। ੫ ਰਿੜਕਣ ਸਮੇਂ ਝੱਗ ਦੀ ਸ਼ਕਲ ਵਿੱਚ ਮਠੇ ਦੇ ਸਿਰ ਪੁਰ ਆਇਆ ਮੱਖਣ । ੬ ਫੁੱਲ ਦੇ ਆਕਾਰ ਦੀ ਕੋਈ ਵਸਤੁ, ਜੈਸੇ ਢਾਲ ਦੇ ਫੁੱਲ. ਇਸਤ੍ਰੀਆਂ ਦੇ ਸਿਰ ਪੁਰ ਫੁੱਲ ਆਕਾਰ ਦਾ ਗਹਿਣਾ. ਰੇਸ਼ਮ ਨਾਲ ਵਸਤ੍ਰ ਪੁਰ ਕੱਢਿਆ ਫੁੱਲ ਆਦਿ। ੭ ਦੀਵੇ ਦੀ ਬੱਤੀ ਦਾ ਅਗਲਾ ਹਿੱਸਾ , ਜੋ ਅੰਗਾਰ ਦੀ ਸ਼ਕਲ ਦਾ ਹੁੰਦਾ ਹੈ। ੮ ਚੱਪਣੀ ਨਾਲ ਲੱਗਾ ਹੋਇਆ ਦੀਵੇ ਦਾ ਕੱਜਲ । ੯ ਵਿ—ਹੌਲਾ. ਫੁੱਲ ਜੇਹਾ ਹਲਕਾ। ੧੦ ਡਿੰਗ. ਸੰਗ੍ਯਾ—ਹੈਰਾਨੀ. ਅਚਰਜ.