ਮੂਲ ਸਰੋਤ : ਪੰਜਾਬੀ ਯੂਨੀਵਰਸਿਟੀ ਪੰਜਾਬੀ ਕੋਸ਼ (ਸਕੂਲ ਪੱਧਰ), ਪਬਲੀਕੇਸ਼ਨ ਬਿਊਰੋ, ਪੰਜਾਬੀ ਯੂਨੀਵਰਸਿਟੀ, ਪਟਿਆਲਾ।

ਮੂਲ [ਨਾਂਪੁ] ਜੜ੍ਹ; ਅਰੰਭ , ਮੁੱਢ; ਅਸਲ ਰਕਮ [ਵਿਸ਼ੇ] ਮੁਢਲਾ

ਮੂਲ ਸਰੋਤ : ਸ਼੍ਰੀ ਗੁਰੂ ਗ੍ਰੰਥ ਕੋਸ਼ (ਸ਼੍ਰੀਮਹਿਤ ਪੰਡਿਤ ਗਿਆਨੀ ਹਜ਼ਾਰਾ ਸਿੰਘ ਕ੍ਰਿਤ), ਡਾ. ਬਲਬੀਰ ਸਿੰਘ ਸਾਹਿਤ ਕੇਂਦਰ, ਦੇਹਰਾਦੂਨ, ਪੰਜਾਬੀ ਯੂਨੀਵਰਸਿਟੀ

ਮੂਲ (ਸੰ.। ਸੰਸਕ੍ਰਿਤ) ੧. ਜੜ੍ਹ। ਯਥਾ-‘ਉਰਧ ਮੂਲ ਜਿਸੁ ਸਾਖ ਤਲਾਹਾ’। ਤਥਾ-‘ਮੂਲੁ ਰਹੈ ਗੁਰੁ ਸੇਵਿਐ’। ਸ਼ਰਧਾ ਰੂਪੀ ਜੜ੍ਹ।

੨. ਅਸਲ , ਅਸਲਾ। ਯਥਾ-‘ਆਪਣਾ ਮੂਲੁ ਪਛਾਣੁ ’। ਤਥਾ-‘ਕਵਨ ਮੂਲ ਤੇ ਮਾਨੁਖੁ ਕਰਿਆ’। ਦੇਖੋ , ‘ਮੂਲੁ ਮਤਿ’

੩. ਆਦਿ। ਯਥਾ-‘ਮੂਲ ਮੰਤ੍ਰ ’। ਤਥਾ-‘ਮੂਲ ਮੰਤ੍ਰ ਹਰਿ ਨਾਮੁ ਰਸਾਇਣੁ’।

੪. ਔਖਧੀ, ਦਵਾਈ। ਯਥਾ-‘ਕਤ ਨਹੀ ਠਉਰ ਮੂਲੁ ਕਤ ਲਾਵਉ’।  ਦੇਖੋ, ‘ਕਤ ੩.’

੫. (ਦੇਖੋ, ਮੁਲਿ) ਕੀਮਤ, ਮੁਲ। ਯਥਾ-‘ਕਉਡੀ ਕਾ ਲਖ ਹੂਆ ਮੂਲੁ’।

੬. ਨਿਰੇ ਪੁਰੇ , ਬਿਲਕੁਲ।         ਦੇਖੋ, ‘ਮੂਲ ੧’ ਤੇ ‘ਮੂਲ ਦੁਆਰੇ’